PIDHATO PASRAH CALON TEMANTEN KAKUNG
Assalamu’alaikum wr wb
Para sesepuh lan pinisepuh ingkang dhahat
kinurmatan, tamu kakung saha putrid ingkang kula bekteni, lan keluarga Bapak
Sastro Kusuma ingkang kula bekteni ugi. Langkung rumiyin kula ngaturaken puji
syukur dhumateng ngarsanipun Gusti Allah ingkang Maha Agung tur Maha Asih
saengga kita saged makempal wonten dalemipun Bapak Sastro Kusuma kangge
angestreni dhaupipun Aditya Surya Saputra putranipun Bapak Bambang
Sastrodiningrat kaliyan Dewi Ayu Sekarini putrinipun Bapak Sastro Kusuma.
Para rawuh ingkang kawula bekteni,
kula minangka sesulihipun saking Bapak Bambang Sastrodiningrat. Sepisan kula
ngaturaken silaturahmi dhumateng keluarga Bapak Sastro Kusuma. Kaping kalih
kula ngaturaken salam taklimipun saking Bapak Bambang Sastrodiningrat katur
dhumateng Bapak Sastro Kusuma. Ingkang
wigatos, kula badhe masrahaken calon penganten kakung inggih menika Aditya
Surya Saputra ingkang badhe dipun ijabaken ngenjang.
Mugi-mugi Aditya Surya Saputra
kaliyan Dewi Ayu Sekarini saged mangun balewisma dados keluarga ingkang
sakinah, mawaddah, warahmah. Mugi-mugi enggal dipun paringi putra lan putri
ingkang sholeh lan sholehah. Amin Ya Robbal ‘Alamin.
Cekap semanten atur kula, menawi
wonten kalepatan kula nyuwun pangapunten.
Wassalamu’alaikum wr wb
Tidak ada komentar:
Posting Komentar